काठमाडौँ । उपप्रधानमन्त्री एवं गृहमन्त्री नारायणकाजी श्रेष्ठले बालुवाटारस्थित ललिता निवास जग्गा हिनामिना प्रकरणको छानबिन र अनुसन्धानमा कुनै राजनीतिक हस्तक्षेप नभएको बताउनुभएको छ ।
निजी निवासमा पत्रकारहरुसँग कुराकानी गर्दै उहाँले ललिता निवास जग्गा हिनामिना प्रकरणमा भइरहेको अनुसन्धानमा संलग्न जोसुकै संलग्न भेटिएपनि कारबाही प्रक्रिया नरोकिने स्पष्ट गर्नुभयो ।
तथ्य र प्रमाणले पुष्टि भयो भने जोसुकै पनि पक्राउ पर्ने उहाँको भनाइ थियो । “तथ्य र प्रमाण छैन भने कसैलाई दु:ख दिन मिल्दैन”, उहाँले भन्नुभयो ।
उनले नेपाल प्रहरीको केन्द्रीय अनुसन्धान ब्युरो (सिआईबी) त्रिताल आयोगको प्रतिवेदनका आधारमा ललिता निवासबारे अनुसन्धान भइरहेको जानकारी दिनुभयो ।
