• १९ जेष्ठ २०८१, शनिबार
  •      Sat Jun 1 2024
  •   Unicode
Logo

विश्वकप पहिले शहरहरुमा जाँच गर्न सुरक्षा जाँच टोली भारत पठाउँदै पाकिस्तान



एजेन्सी । पाकिस्तान सरकारले भारतमा हुने एकदिवसीय विश्वकपका लागि आफ्नो क्रिकेट टोली पठाउनुअघि सुरक्षा जाँच गर्ने भएको छ ।

रिपोर्टका अनुसार पाकिस्तान सरकारले छिट्टै आफ्नो सुरक्षा टोलीलाई अनुसन्धानका लागि भारत पठाउनेछ । यो टोलीले पाकिस्तान क्रिकेट टोलीको विश्वकप खेल्ने शहरहरूको सुरक्षा जाँच गर्नेछ ।

टाइम्स अफ इन्डियाको रिपोर्टका अनुसार ईदपछि पाकिस्तान क्रिकेट बोर्डमा अध्यक्ष पदका लागि चुनाव हुनेछ । जाका अशरफ नयाँ अध्यक्ष बन्न सक्नेछन् । नयाँ अध्यक्ष पाउनेबित्तिकै पीसीबीले विदेश मन्त्रालयसँग समन्वय गरी चाँडै सुरक्षा टोली भारत पठाउनेछ ।

सुरक्षा टोलीसँगै पीसीबी सदस्यहरू पनि भारत जानेछन् । उनीहरूले पाकिस्तानका खेल हुने शहरहरूमा सुरक्षा व्यवस्था र बाँकी व्यवस्थापन कत्तिको राम्रो छ भनेर हेर्नेछन् ।

पाकिस्तान क्रिकेट टोलीले विश्वकपमा आफ्नो पहिलो खेल क्वालिफायर–१ टोलीसँग हैदराबादमा खेल्नेछ । टोलीले अक्टोबर १५ मा अहमदाबादमा भारतसँग खेल्नेछ ।

उसका बाँकी खेलहरू अन्य ३ सहरमा हुनेछन् । जसमा बैंगलोर, चेन्नई र कोलकाता पर्छन् । यदि पाकिस्तानको सुरक्षा टोलीले यी सहरको सुरक्षा व्यवस्था र यहाँको रंगशालाको व्यवस्थापन हेर्नेछ ।

रिपोर्टका अनुसार सुरक्षा टोलीले कुनै पनि सहरको सुरक्षामा कुनै त्रुटि देखेमा पीसीबीले आफ्नो टोलीको क्रिकेट खेलको स्थान परिवर्तन गर्न माग गर्नेछ । पीसीबीले सुरक्षा जाँचको रिपोर्ट आईसीसी र बीसीसीआईलाई पनि पठाउनेछ ।