काठमाडौँ । विश्वविद्यालय अनुदान आयोगले उत्कृष्ट तीन क्याम्पसलाई पुरस्कृत गर्ने भएको छ । आयोगले आज एक सूचना प्रकाशित गरी राष्ट्रिय शिक्षा दिवसका अवसरमा तीन क्याम्पसलाई नेपाल विद्याभूषण, नेपाल प्रविधि विद्याभूषण, नेपाल छात्रा विद्यापदक र राष्ट्रिय शिक्षा पुरस्कारसम्बन्धी निर्देशिका, २०७७ अनुसार पुरस्कृत गरिने जनाएको छ ।
यसका लागि विश्वविद्यालयका आंगिक क्याम्पसका साथै सबै विश्वविद्यालयबाट सम्बनधन लिइ सञ्चालनमा रहेका सामुदायिक र निजी क्यामपसले दाबीसहित तोकिएको प्रक्रिया पूरा गरी आगामी साउन १९ गतेभित्र कार्यालयमा आइपुग्ने गरी बुझाउन आग्रह गरिएको छ ।
आयोगले आंगिक क्याम्पस, सम्बन्धनप्राप्त सामुदायिक क्याम्पस र सम्बन्धनप्राप्त निजी क्याम्पस एक एक गरी तीन क्याम्पसलाई पुरस्कृत गर्ने भएको छ ।
