एजेन्सी । दिवंगत बलिउड अभिनेता ऋषि कपूरको अन्तिम फिल्म ‘शर्माजी नमकीन’ को ट्रेलर सार्वजनिक भएको छ ।
फिल्म मार्च ३१ मा ओटीटी प्लेटफर्म अमेजन प्राइम भिडियोमा स्ट्रिम गरिनेछ ।
हितेश भाटियाले निर्देशन गरेको यस फिल्ममा स्वर्गीय ऋषि कपुर बाहेक परेश रावल, जुही चावला, सुहेल नय्यर, तारुक रैना, सतीश कौशिक, शीबा चड्ढा र ईशा तलवारको मुख्य भूमिका रहेको छ ।
यो फिल्मको आधा सुटिङ सकिएपछि ३० अप्रिल २०२० मा ऋषि कपूरको निधन भएको हो । उनको मृत्युपछि परेश रावलले उनको भूमिका निर्वाह गर्दै फिल्मको बाँकी छायांकन सकाएका थिए ।
