काठमाडौँ । प्रधानमन्त्री पुष्पकमल दाहाल प्रचण्डले विगतको जस्तो मल अभाव हुने अवस्था नरहेको बताउनुभएको छ ।
प्रतिनिधिसभाको शुक्रबारको बैठकमा भएको प्रश्नोत्तर कार्यक्रममा जनमत पार्टीका सांसद अब्दुल खानले मलको अभावबारे सोधेको प्रश्नको जवाफमा उहाँले रासायनिक मलको आपूर्ति विगतको भन्दा सुदृढ भएको दाबी गगर्नुभयो ।
यो वर्ष धान बालीका लागि मल अभाव नहुने भन्दै प्रधानमन्त्री प्रचण्डले रासायनिक मलको आपूर्ति विगतको भन्दा सुदृढ भएको जिकिर गर्नुभयो । उहाँले ३ लाख ५१ हजार मेट्रिक टन आयात भएको जानकारी दिनुभयो । यो महिनाभित्र कोलकत्ताबाट ४५ हजार मेट्रिकटन भित्रिने उहाँको जवाफ थियो ।
