काठमाडौँ । साफ च्याम्पियनसिप अन्तर्गत पहिलो हाफ सकिँदा नेपाल कुवेतविरुद्ध २–० गोलले पछि परेको छ ।
बैंगलोरस्थित श्री कान्तिरभा रंगशालामा जारी साफको उद्घाटन खेलको पहिलो हाफ सकिँदा नेपालविरुद्ध कुवेतले २–० गोलले अग्रता बनाएको हो ।
कुवेतका लागि खेलको २३ औं मिनेटमा खलिद हजियाले तथा ४१ औं मिनेटमा सबाइब अलखादीले गोल गरे । हजियाले कर्नरबाट आएको बललाई हेडरमार्फत गोल गरेका हुन् भने सबाइबले नेपालका डिफेन्डर बिमल पाण्डेलाई डी–बक्सभित्र बीट गर्दै गोल गरे ।
