काठमाडौँ । राष्ट्रिय सभागृहबाट चार दलीय समाजवादी मोर्चा नेपालको घोषणा गरिएको छ । राजधानीमा सोमबार आयोजित कार्यक्रमबाट नेकपा माओवादी केन्द्र, नेकपा एकीकृत समाजवादी, जसपा नेपाल र नेपाल कम्युनिस्ट पार्टी सम्मिलित मोर्चा घोषणा गरिएको हो ।
प्रधानमन्त्री एवं नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’, नेकपा एकीकृत समाजवादीका अध्यक्ष माधव कुमार नेपाल जनता समाजवादी पार्टी नेपालका अध्यक्ष उपेन्द्र यादव र नेकपाका महासचिव नेत्रविक्रम चन्द विप्लवले समझदारीपत्रमा हस्ताक्षर गरेर मोर्चाको औपचारिक रूपमा घोषणा गरेका हुन् ।
मोर्चाको एक सचिवालय गठन गरिने र त्यसमा सबै दलबाट सदस्य हुने सहमति पत्रमा उल्लेख छ । यस्तै, मोर्चा निर्माण भइसकेपछि समितिले निर्णय गरी समाजवादी र प्रगतिशील दललाई समावेश गर्ने जनाइएको छ ।
[pdf-embedder url=”https://newspolar.com/wp-content/uploads/2023/06/morcha.pdf”]
