एजेन्सी । जुन १६ देखि प्रदर्शनमा आएको फिल्म ‘आदिपुरुष’ रिलिजदेखि नै विवादमा परेको छ । यसको असर बक्स अफिसमा पनि देखिएको छ ।
दोस्रो दिन फिल्मको विश्वव्यापी कलेक्सन १०० करोड र घरेलु कलेक्शन १७६ करोड रहेको छ । यसरी फिल्मले दुई दिनमा २४० करोड कमाएर २०० करोड क्लबमा प्रवेश गरेको छ ।
तर, पहिलो दिन फिल्मको विश्वव्यापी कलेक्सन १४० करोड थियो । यसरी दोस्रो दिन फिल्मको कलेक्शन ४० प्रतिशतले घटेको छ । यद्यपि, आफ्नो कमाईका साथ आदिपुरुषले ‘पठान’, ‘बाहुबली’ र ‘केजीएफ २’ जस्ता फिल्महरूलाई पछाडि छोडेको छ, जुन फिल्महरुलाई विश्वव्यापी २०० करोड क्लबमा पुग्न ३–७ दिन लागेको थियो ।
चलचित्रको अत्याधिक अग्रिम बुकिङका कारण चलचित्रको कमाईमा उछाल आएको ट्रेड विज्ञ तरण आर्दश बताउँछन् । ओम राउत निर्देशित यस फिल्ममा प्रभास, सैफ अली खान र कृति सेनन महत्वपूर्ण भूमिकामा छन् ।
