एजेन्सी । बिहेमा बेहुलीको बहिनी र साथीहरूले बेहुलासँग ठट्टा गर्छन् । कहिलेकाहीँ ठट्टामा रिसाएपछि बेहुलालाई रिस समेत उठ्छ । यसैबीच भारतको बिहारबाट एउटा अनौठो घटना सार्वजनिक भएको छ ।
यो सम्पूर्ण मामिला बिहार राज्यको छपरा जिल्लाको मिर्जापुरसँग सम्बन्धित छ । बिहेका लागि आएका बेहुला मण्डपमा प्रवेश गर्नुअघि नै रोएर भागे । यहाँ पाटिला गाउँका केटाको विवाह मिर्जापुरकी केटीसँग तय भएको थियो ।
११ जुनमा केटा जन्ती लिए केटीको घर पुगेका थिए । केटी पक्षका परिवारले जन्तीलाई स्वागत गरेका थिए भने द्वार पूजापछि वरमाला पनि भयो । त्यसपछि केटालाई विवाह समारोह पूरा गर्न मण्डपमा बोलाइएको थियो । यसपछि मामिला बिग्रन थाल्यो ।
केटीका साथी र केही महिलाले बेहुलासँग ठट्टा गर्न थाले । यसपछि बेहुला रुन थाल्यो र घरबाट बाहिर निस्कियो । बेहुलाको यस्तो व्यवहार देखेर युवतीले बिहे गर्न अस्वीकार गरिन् । धेरै सम्झाएपछि पनि केटीले केटासँग बिहे गर्न अस्वीकार गरिन् । दुलहीको यस्तो निर्णयले परिवारका सबै सदस्य छक्क परेका थिए ।
युवतीले बिहे गर्न अस्वीकार गरेपछि निकै हंगामा भएको थियो । बेहुला पक्षका केही युवाहरूले होहल्ला मच्चाउन थाले । त्यसपछि केटीका आफन्तले बारातीसहित दुलहा र उनका बुवालाई बन्धक बनाएका थिए । त्यसपछि उनले दाइजोका सबै सामान फिर्ता माग्न थाले ।
वरमाला स्टेजमा दुलहाको गतिविधि देखेर युवतीलाई शंका लाग्यो । उनले सोचिन् कि केटा सुस्त मनिस्थितीको छ । त्यसैले उनले बिहेअघि नै आफ्ना साथीहरूलाई बेहुलाकहाँ पठाएकी थिइन् । केटीहरू बेहुलासँग ठट्टा गर्न थाले । केटीलाई जुन कुराको डर थियो केटा त्यस्तै निस्किए । यसपछि बेहुला जन्ती लिएर फर्किनुपर्यो ।
