काठमाडौँ । काठमाडौँ महानगरपालिकाका प्रमुख बालेन्द्र शाहको निर्णयविरुद्ध निजी क्षेत्रका नौ शैक्षिक संस्थाले एक्यबद्धता जनाएका छन् ।
उच्च शिक्षालय तथा माध्यमिक विद्यालय संघ नेपाल (हिसान)ले आयोजना गरेको शैक्षिक मेला महानगरले गत जेठ ३२ गते बन्द गराएको थियो । हिसानका साथै प्याब्सन, एन प्याब्सन, स्वास्थ्य विज्ञान तथा प्रविधि मञ्च, निजी प्राविधिक शिक्षालय महासंघ, स्वास्थ्य विज्ञान शिक्षालय संघ ९एसिया०लगायतका संस्थाले उक्त विरोधमा एक्यबद्धता जनाएका छन् ।
उनीहरुले मेला बन्द गराउँदै करोडौको क्षति भएको भन्दै उच्च अदालतमा महानगरविरुद्ध १५ करोड रुपैयाँ दाबी गर्दै मुद्दा दर्ता गराएका छन् । हिसानका महासचिव लोकबहादुर भण्डारीले उचित क्षतिपूर्तिको माग सहित मुद्दा दायर गरेको बताए ।
महानगरले एसईईको नतिजा आउनु अघि नै विद्यालयहरुले भर्ना लिएको, विद्यार्थीलाई छात्रवृत्ति प्रदान गरी आकर्षित गर्न खोजेको, विद्यार्थीहरुको नाम र नम्बर संकलन गरेको भन्दै मेला बन्द गराएको थियो । हानगरको उक्त निर्णयविरुद्ध आज हिसानले पत्रकार सम्मेलन गर्दै उक्त निर्णयको विरोध गरेको हो ।
शिक्षा, विज्ञान तथा प्रविधि मन्त्रालयसँग अनुमति र जिल्ला प्रशासन कार्यालय तथा काठमाडौं महानगरपालिकालाई जानकारी दिएर सुरू भएको मेला कुनै लिखित जानकारी विनानै कर्मचारी सुरक्षाकर्मिको साथमा आएर जेष्ठ ३२ गते दिउँसो ३ बजेदेखि बन्द गराएकोमा हामी घोर निन्दा एवम् भत्सर्ना गर्दछौ, जारी संयुक्त विज्ञप्तिमा भनिएको छ ।
उनीहरुले चार दिनसम्म चल्ने मेला रोक लगाउँदा करौडौंको आर्थिक क्षतिको जिम्मेवारी र जवाफ काठमाडौं महानगरले लिनुपर्ने माग गरेको छ ।
