काठमाडौँ । ओपनर ब्याट्सम्यान कुशल भुर्तेलले जिम्बावेविरुद्ध ९९ रन बनाएर आउट भएका छन् । आईसीसी एकदिवसीय विश्वकप छनोट प्रतियोगिता अन्तर्गत घरेलु टोली जिम्बावेविरुद्ध उनले ९५ बलमा ९९ रन जोडे । कुशलले १३ चौका र २ छक्का प्रहार गरे ।
हरारे स्पोट्र्स क्लबमा टस हारेर ब्याटिङ थालेको नेपाल यो समाचार लेख्दासम्म ३२.५ ओभरमा १ विकेटको क्षतिमा १७३ रनको स्थितीमा छ ।
जिम्बावेविरुद्धको खेल टेस्ट मान्यता प्राप्त राष्ट्रविरुद्ध नेपालको पहिलो एकदिवसीय अन्तर्राष्ट्रिय (ओडिआई) मान्यता प्राप्त खेल रहेको छ ।
