काठमाडौं । नेकपा (एमाले) को माधव कुमार नेपाल-झलनाथ खनाल समूहको केन्द्रीय कमिटी बैठक सुरु भएको छ । कोरोना महामारीका कारण बैठक अहिले भर्चुअल रुपमा बसिरहेको हो ।
एमालेको मूल नेतृत्वले भने नेपाल-खनाल समूहको केन्द्रीय कमिटी बैठक कानुन र विधानविपरीत भन्दै सहभागी नहुन निर्देशन दिएको थियो ।
यस्तै आजै प्रधानमन्त्री केपि ओलीले बालुवाटारमा एमालेको स्थायी कमिटी बैठक बोलाएका छन् । पार्टी अध्यक्ष समेत रहेका ओलीले अपराह्न ४ बजेका लागि बैठक डाकेका हुन् ।
उक्त बैठक हिजो बस्ने तय भए पनि एकताको प्रयासका लागि नेताहरुबीच छलफल गर्नका लागि बैठक सारिएको ओलीपक्षीय नेताहरु बताउँछन् ।
