काठमाडौँ । प्रतिनिधिसभाको बैठक आज बस्दैछ । विनियोजन विधेयक २०८०, को विभिन्न शीर्षकहरुमाथिको जारी छलफल अन्तर्गत आज तीन वटा मन्त्रालयका विभिन्न शीर्षकमाथि छलफल हुनेछ ।
जसअनुसार आज संघीय मामिला तथा सामान्य प्रशासन मन्त्रालय, संस्कृति, पर्यटन तथा नागरिक उड्डयन मन्त्रालय र स्वास्थ्य तथा जनसंख्या मन्त्रालयका लागि छुट्याइएको विभिन्न शीर्षकमाथि छलफल हुनेछ ।
बिनियोजन विधेयकमाथि जेठ ३२ गतेदेखि छलफल सुरु भएको हो । छलफल असार ८ गतेसम्म चल्नेछ भने असार १० देखि १२ गतेसम्म जवाफ दिने कार्यसूची छ ।
