काठमाडौँ । आज विहान मन्त्रिपरिषदको बैठक बस्दैछ । प्रधानमन्त्री तथा मन्त्रिपरिषदको कार्यालय सिंहदरबारमा बोलाइएको बैठकमा मुख्यसचिव नियुक्त गर्ने तयारी भइरहेको छ ।
हालका मुख्यसचिव शंकरदास बैरागीलाई राजदूत बनाउने र प्रधानमन्त्री कार्यालयमा कार्यरत डा बैकुण्ठ अर्याललाई मुख्यसचिव बनाउने तयारी गरिएको हो । बैरागीको कार्यकाल आगामी असोज मसान्तसम्म छ ।
अर्याललाई गत गैतमा सञ्चार तथा सूचना प्रविधि मन्त्रालयबाट प्रधानमन्त्री कार्यालयमा सरुवा गरिएको थियो । त्यसअघि अर्यालले वाणिज्य तथा आपूर्ति मन्त्रालय, राष्ट्रिय प्राकृतिक तथा वित्त आयोगलगायतमा काम गरिसक्नुभएको छ ।
अर्याल हालका सबैभन्दा वरिष्ठ सचिव समेत हुनुहुन्छ । सचिवका रुपमा अर्यालको कार्यकाल आगामी असार ४ गतेसम्म मात्रै छ । सोभन्दा अघि नै अर्याललाई मुख्यसचिव बनाउने तयारी गरिएको हो ।
