काठमाडौं । विदेशबाट नेपाली फर्किनेले अनिवार्य पाँच दिन होटेल क्वारेन्टिनमा बस्नुपर्ने भएको छ । खाडी तथा मलेसिया रोजगारीबाट नेपाल आउँदा ७२ घणटाभित्रको पीसीआर रिपोर्ट नेगेटिभ भएपनि अनिवार्य पाँच दिन होटेल क्वारेन्टिनमा बस्नुपर्ने भएको हो ।
यसअघि, रिपोर्ट नेगेटिभ भएकाहरुलाई घर जान दिने र घर गइसकेपछि होम क्वारेन्टिनमा बस्नुपर्ने भनिएपनि त्यो व्यवस्थालाई परिमार्जन गरी पाँच दिन होेटेल क्वारेन्टिनमा बस्नुपर्ने भनिएको हो ।
यस्तै, नेपाल भित्रिएका यात्रुले १० दिन अनिवार्य होटेल क्वारेन्टिनमा बस्दा दुईपटक पीसीआर परीक्षण गराउनुपर्ने पनि नेपाल नागरिक उड्डयन प्राधिकरणले जनाएको छ । यात्रुले होटेल क्वारेन्टिनमा बसेको चौथो र १०औँ दिनमा पीसीआर गराउनुपर्ने प्राधिकरणले जारी गरेको सूचनामा भनिएको छ ।
नेपाल भ्रमणका लागि आउने यात्रुले उडान गर्नुपूर्व ७२ घण्टाभित्रको पीसीआर नेगेटिभ आएको रिपोर्टसहित तस्बिर र बारकोड, स्वाब संकलन समयसहितको विवरण पेस गर्नुपर्ने पनि जनाइएको छ । यो व्यवस्था पाँच वर्षमुनिका बालबालिकाको हकमा भने लागु नहुने जनाइएको छ ।
