एजेन्सी । रणवीर कपुरको आगामी फिल्म ‘एनिमल’ को प्रि टिजर हालै सार्वजनिक भएको छ । रिलिजसँगै सामाजिक सञ्जालमा फ्यानहरूले फिल्मले कोरियन फिल्म ‘ओल्डब्वाई’को नक्कल गरेको आरोप लगाएका छन् ।
धेरै फ्यानहरूले फिल्म ‘ओल्डब्वाई’ को क्लिप सेयर गरेका छन् र ‘एनिमल’ को प्रि-टिजर भिडियोसँग तुलना गरेका छन् । टिजरमा देखाइएको एक्सन दृश्य ‘ओल्डब्वाई’बाट नक्कल गरिएको फ्यानले बताएका छन् ।
आइतबार रिलिज भएको ‘एनिमल’ को प्रि-टिजर भिडियोमा रणवीर कपूरलाई एक्सन अवतारमा देखाइएको थियो । टिजरमा उनी बञ्चरोको सहाराले करिडोरमा दुश्मनसँग लडिरहेको देख्न सकिन्छ । यो हेरेपछि केही सामाजिक सञ्जाल प्रयोगकर्ताहरूले फिल्मका निर्देशक सन्दीप रेड्डी वांगामाथि दक्षिण कोरियाली फिल्म ‘ओल्डब्वाई’का दृश्यहरू नक्कल गरेको आरोप लगाएका छन् ।
२००३ मा रिलिज भएको, पार्क च्यान वुक द्वारा निर्देशित फिल्म ‘ओल्डब्वाई’ लाई यसको बलियो एक्शन दृश्यहरु को लागी सम्झना गरिन्छ । फिल्ममा एक प्रसिद्ध कोरिडोर लडाइँको दृश्य थियो जहाँ नायकले एक्लै हथौडाको साथ धेरै गुण्डाहरूलाई बदला लिन्छ । ‘एनिमल’का निर्माताले यो एक्सन दृश्य नक्कल गरेको फ्यानले आरोप लगाएका छन् ।
‘कबीर सिंह’ फेम निर्देशक सन्दीप रेड्डी वांगाद्वारा निर्देशित ‘एनिमल’ यस वर्षको अगस्ट ११ मा थिएटरमा रिलिज हुँदैछ ।
