काठमाडौं । कोभिड महामारीको बेलामा बालबालिकालाई भाइरस संक्रमणको जोखिमबाट जोगाउन चुनौती छ । घर भित्र रहदाँ उनीहरुको मानसिक एवं शारीरिक स्वास्थ्य बारे पनि उत्तिकै सजक हुन जरुरी छ । निषेधाज्ञामा बालबालिकाको विद्यालय बन्द हुँदा उनीहरुलाई घरमै सिक्ने, खेल्ने र व्यस्त हुने वातावरण दिनु परेको छ । यस क्रममा उनीहरुलाई उचित माया र देखभाल गर्न अभिभावकहरुलाई पनि गाह्रो भएको छ । थर याद गर्नुहोस् उनीहरुसँग केही क्षण केही शरल गतिविधि गरेर पनि मायालु वातावरणमा उचित देखभाल गर्न सकिन्छ ।
- कोराना संक्रमणबाट बच्न अप्नाउनु पर्ने स्वास्थ्यका सबै मापदण्ड बालबालिकाले अनुशरण गरिरहेका छन् या छैनन् विषेश ख्याल राखौँ ।
- बालबालिकाले सही तरिकाले मास्कको लगाएको सुनिश्चित गरौँ ।
- हात धुने विधी र सरसफाईको असल अभ्यास बारे उनीहरुलाई अभ्यस्त गराऔं ।
- भौतिक दुरी कायम गर्न सिकाऔं ।
- बालबालिकाहरुलाई समयमै खाना खाने, कथा भन्ने, घरपरिवारसँग अतिरिक्त क्रियाकलाप, घरायसी काममा सहभागी हुने अनि समयमै सुत्ने जस्ता स्वास्थ्य दिनचर्याले अप्नाउन उत्प्रेरित गराउनाले उनीहरुको व्यक्तित्व विकासमा ठूलो सकारात्मक योगदान मिल्दछ ।