एजेन्सी । बलिउड अभिनेत्री सोनाक्षी सिन्हाले ‘दहाड’ मार्फत डिजिटल दुनियाँमा प्रवेश गरेकी छन् । अमेजन प्राइम भिडियोमा रिलिज भएको उनको सिरिजले दर्शकबाट राम्रो प्रतिक्रिया पाइरहेको छ ।
नायिका ‘दहाड’ मा प्रहरी अफिसरको भूमिकामा देखिएकी छिन् । हालै सोनाक्षीले आफ्नो क्यारेक्टरलाई लिएर बुबा एवं बलिउड सुपरस्टार शत्रुघ्न सिन्हाको प्रतिक्रियाबारे बताइन् ।
एक न्युज पोर्टलसँगको कुराकानीमा सोनाक्षीले आफ्ना बुबा यात्रामा निकै व्यस्त रहेको बताइन् । यस चक्करमा उनले अहिलेसम्म पूरै सिरिज हेरेका छैनन् । अहिलेसम्म उनले ‘दहाड’को चार वटा एपिसोड मात्र हेरेका छन् । बुबा शत्रुघ्न सिन्हा शृङ्खला हेर्दा निकै उत्साहित हुने र अब के हुन्छ भनेर सोध्ने गरेको अभिनेत्रीले बताइन् ।
सोनाक्षीले आफ्नो बुवालाई सिरिज एकै पटकमा हेर्न भनेकी छिन् । यसअघि सोनाक्षीले मिडियासँगको कुराकानीमा पनि उनका बुवाले आफ्ना साथीहरूलाई आफू पुलिस अफिसर बन्ने बताउनुभएको बताएकी थिइन् । अभिनेत्रीका अनुसार शत्रुघ्न सिन्हा आफ्नी छोरीलाई यस सिरिजमा प्रहरीको भूमिकामा देखेर निकै खुसी हुनुको एउटा कारण यो पनि हो ।
सोनाक्षीले कयौं पटक आफ्नो बुवा आफ्नो ‘चीयरलीडर’ भएको बताएकी छिन् । अभिनेत्रीले भनिन्, ‘उहाँ जतिसुकै व्यस्त भए पनि मेरो फिल्मको प्रिमियरमा आएर मलाई सपोर्ट गर्न कहिल्यै चुक्नुहुन्न ।’ कामको कुरा गर्ने हो भने सोनाक्षी सिन्हा चाँडै अक्षय कुमार र टाइगर श्राफसँग फिल्म ‘बडे मियाँ छोटे मियाँ’ मा देखिनेछिन् ।
