काठमाडौँ । बझाङको सुर्मा गाउँपालिका–२ को धानशेरामा हिमपहिरोमा परि तीन जना बेपत्ता भएका छन् भने दुई जना घाइते छन् ।
आइतबार बिहान धानशेरामा हिमपहिरो जाँदा तीन जना बेपत्ता र दुई जना घाइते भएको जिल्ला प्रहरी कार्यालय बझाङका प्रमुख प्रहरी नायब उपरीक्षक जागेश्वर भण्डारीले जानकारी दिए।
भण्डारीको अनुसार अहिले घटनास्थलतर्फ प्रहरी टोली गएको छ । तर घटनास्थल निकै टाढा भएकाले टोली पुग्न समय लाग्ने भएको छ ।
यार्सागुम्बा संकलन गर्न त्यहाँ पुगेका उनीहरु हिमपहिरोमा परेका हुन् । उनीहरुको परिचय भने खुलेको छैन ।
