काठमाडौं । प्रतिपक्ष दल नेकपा एमालेका सांसद गोकुल बास्कोटाले सरकारले सहिदको सूची कुन आधारमा निकालेको भन्दै प्रश्न गरेका छन्।
आईतबार बसेको प्रतिनिधिसभाको बैठकमा बोल्दै उनले यस्तो प्रश्न गरेका हुन् ।
‘सरकारले झण्डै ६७ हजार जनाको सहिदको सूची निकाल्यो। मेरो जिल्लाको पूर्वमाओवादी नेता यानप्रसाद गौतम सहिद हो कि गद्दार हो ? राजु भुजेल सहिद हो कि गद्दार हो ? जवाफ चाहियो ?’, उनले भने, ‘न राज्य जिम्मा लिन्छ न तत्कालीन विद्रोही ? यो कसरी निकालियो ?’
यस्तै, उनले हिजो पाँचखालमा परेको पानीले सयौँ रोपनी बाली नष्ट गरेको भन्दै बाली बिमा र तटबन्धको निर्माण गर्न माग गरे। उनले धुलिखेलदेखि बनेपासम्मको सडकमा चाँडै बनाउन समेत माग गरे।
