एजेन्सी । स्पेनिस फुटबल लिग ला लिगा अन्तर्गत बार्सिलोनाले हार ब्यहोरेको छ । गएराति भएको खेलमा बार्सिलोना घरेलु मैदानमै रियल सोसिडाडसँग पराजित भएको हो ।
खेलको पाँचौं मिनेटमा नै मिकेल मेरिनोले गोल गर्दै सोसिडाडलाई सुरुवाती अग्रता दिलाएका थिए । ७२ औं मिनेटमा अलेक्जान्डर सोर्लोथले गोल थप्दै सोसिडाडको अग्रता दोब्बर पारे । ९० औं मिनेटमा रोबर्ट लेवान्डोस्कीले गोल गरेपनि बार्सिलोनाको हार टार्न सकेनन् ।
हारबा बाबजुद बार्सिलोनाले यसअघि नै सिजनको ला लिगा उपाधि जितिसकेको छ । ३५ खेलबाट ८५ अंकका साथ बार्सिलोना तालिकाको शीर्षस्थानमा छ । सोसिडाड ३५ खेलबाटै ६५ अंकका साथ तालिकाको चौंथो स्थानमा छ ।