एजेन्सी । इंग्लिस प्रिमियर लिग फुटबल अन्तर्गत टोटेनहम पराजित भएको छ । शनिबार साँझ सम्पन्न खेलमा टोटेनहम ब्रेन्टफोर्डसँग घरेलु मैदानमै ३–१ गोलले स्तब्ध बनेको हो ।
खेलमा सुरुवाती अग्रता भने टोटेनहमले बनाएको थियो । खेलको आठौं मिनेटमा नै ह्यारी केनले गोल गर्दै टोटेनहमलाई सुरुवाती अग्रता दिलाएका थिए । तर, ब्रेन्टफोर्डले दोस्रो हाफमा ३ गोल फर्कायो । ५० औं र ६२ औं मिनेटमा ब्राएन एमबेउमोले तथा ८८ औं मिनेटमा योआने वीसाले गोल गर्दै ब्रेन्टफोर्डलाई ३–१ को जित दिलाए ।
यो नतिजासँगै टोटेनहम ३७ खेलबाट ५७ अंकका साथ तालिकाको सातौं स्थानमा रहँदा समान खेलबाट ५६ अंकका साथ ब्रेन्टफोर्ड नवौं स्थानमा छ ।
