काठमाडौं ।राष्ट्रिय स्वतन्त्र पार्टी (रास्वपा) ले ढाकाकुमार श्रेष्ठको ठाउमा विन्दाबासिनी कंसाकारलाई सांसद बनाएको छ । तर, सर्वोच्च अदालतले आज ढाकाकुमारलाई कारवाही गर्ने रास्वपाको निर्णयलाई तत्काल कार्यान्वयन नगर्न अन्तरिम आदेश दिएको छ ।
रास्वपाले ढाकाकुमार कारबाही गरेर उनको ठाउँमा कंसाकारलाई सांसद बनाउन निर्वाचन आयोगमा पत्र दिएको थियो । आयोगले पनि विन्दाबासिनी सांसद हुने निर्णय अघिल्लो साता नै गरेको थियो । उनले आयोगबाट सांसद भएको प्रमाणपत्र समेत लिइसकेकी छन् ।
तर, सर्वोच्चले ढाकालाई तत्काल कारवाही नगर्न दिएको अन्तरिम आदेशले उनको सांसद पद तत्काललाई थमौती हुन्छ वा हुँदैन भन्ने अन्योल देखिएको छ ।
ढाकाले आफूमाथि गरिएको कारवाही बदर गर्न माग गर्दै आईतबार रिट दायर गरेका थिए ।न्यायाधीश तिलप्रसाद श्रेष्ठको एकल इजलासले श्रेष्ठलाई सांसद र पार्टीको साधारण सदस्यबाट हटाउने निर्णय कार्यान्वयन नगर्न आदेश दिएको हो ।
मन्त्री हुनलाई मेडिकल व्यवसायी दुर्गा प्रसाईंसँग दुई करोड रुपैयाँ मागेको भन्दै श्रेष्ठलाई रास्वपाले समानुपातिक सांसद र पार्टी साधारण सदस्यबाट हटाएको थियो।
श्रेष्ठलाई सांसदबाट हटाइएको सूचना सभामुख देवराज घिमिरेले संसदमा पढेर सुनाइसकेका छन्।
