काठमाडौं । नेकपा एमालेका सांसद अच्युत मैनालीले स्वतन्त्र सांसद अमरेशकुमार सिंहको स्वास्थ्य जाँचको माग गरेका छन् ।
सोमबारको प्रतिनिधिसभा बैठकको शुन्य समयमा बोल्दै मैनालीले अमरेशले अभद्र गतिविधि देखाएकोले उनको स्वास्थ्य जाँचको माग गरेका हुन् ।
उनले भने, ‘संसदमा जे गतिविधि देखिएको छ । म मनानीय सदस्यको स्वास्थ्य जाँचको माग गर्दैछु ।’ आकस्मिक समयमा बोल्न नदिएको भन्दै अमरेशकुमारले लुगा फुकालेर अर्धनग्न भएर विरोध जनाएका थिए ।
सांसद सिंहले संसद्को मर्यादाविपरीत क्रियाकलाप गरेको भन्दै सभामुख घिमिरेले प्रतिनिधिसभा नियमावली २०७९ को निमय ३० अनुसार पटकपटक चेतावनी दिनुभएपछि सांसद सिंह आफ्नो स्थानमा बसेका थिए।
