काठमाडौँ । राष्ट्रिय स्वतन्त्र पार्टी (रास्वपा)ले सरकारमा सहभागी हुने वा नहुने भन्ने विषय आज निर्णय लिने भएको छ । पार्टीको आज बस्ने केन्द्रीय समितिको बैठकले उक्त निर्णय लिनेछ ।
रास्वपाले यसअघि शुक्रबारसम्म निर्णय गर्ने निर्णय गरेको थियो । यही वैशाख १० मा भएको उपनिर्वाचनपछि दुई स्थानमा जित हासिल गरेको रास्वपाले अब सरकारमा सहभागी हुने वा नहुने भन्नेमा निर्णय गरेको छैन । प्रधानमन्त्री पुष्पकमल दाहालले रास्वपालाई सरकारमा ल्याउन प्रयन्त गरे पनि पार्टी सभापति रवि लामिछानेले भने यस विषयमा केही बोलेका छैनन् ।
सत्तागठबन्धनले भने रास्वपालाई भनेकै मन्त्रालय लिएर सरकारमा सहभागी गराउने पक्षमा देखिएको छ ।
