एजेन्सी । इन्डियन प्रिमियर लिग अन्तर्गत बुधबार भएका दुई खेलमध्ये पहिलो खेलमा चेन्नई सुपर किंग्स र लखनउ सुपर जायन्टबीचको खेलमा वर्षाका कारण अवरुद्ध भएको छ ।
पहिले ब्याटिङ गरेको लखनउले १९.२ ओभरमा ७ विकेटको क्षतिमा १२५ रन बनाउँदा वर्षाका कारण अवरुद्ध भएको थियो । लखनउको सुरुवआत खराब रहे पनि आयुष बडोनीले ३२ बलमा चार छक्का र दुई चौका प्रहार गरी ५९ रन बनाए । साथै निकोलस पुरनले २० रन बनाएका थिए । त्यसपछि वर्षा भयो र खेल अबरुद्ध हुँदा दुवै टोलीले समान एक एक अंक बाँडेका छन् ।
साथै हिजो भएको दोस्रो खेलमा मुम्बई इन्डियन्सले पञ्जाब किंग्सलाई ६ विकेटले पराजित गरेको छ । लियाम लिविङस्टनको ८२ रनको सहयोगमा २१४ रन बनाएको पञ्जाबलाई पराजित गर्नमा मुम्बईका लागि इशान किसनले ७५, सूर्यकुमार यादवले ६६ रनको योगदान दिए । मुम्बईको सुरुवात भने राम्रो भएन । कप्तान रोहित शर्मा शुन्य रनमा आउट भए पनि अन्य ब्याटरले इनिङ्स सम्हालेका थिए । खेलमा तिलक बर्माले २६ र क्यामेरोन ग्रीनले २३ रन बनाए ।
