काठमाडौं । कमेडी सिरियल तथा युट्यूवमा कलाकार रियाशा दाहाल र रुटिन अफ नेपाल बन्द (आरओएनवी)का सञ्चालक भिक्टर पौडेल (रुटिने) विवाह बन्धनमा बाँधिएका छन् ।
भक्तपुर सूर्यविनायकको एक रिसोर्टमा उनीहरूले लामो समयदेखि प्रेम सम्बन्धमालाई विवाहमा परिणत गरेका हुन् ।
उनीहरूको बिहेमा काठमाडौँ महानगरपालिकाका मेयर बालेन साहलगायत पुगेका थिए ।
भक्तपुरको सूर्यविनायक निवासी रियाशा र गोलढुंगा निवासी भिक्टर करिब तीन वर्षदेखि प्रेममा रहेको बताइन्छ ।
युट्यूवमा प्रशारण हुने भिडिओ सिरिज ‘आजकालको लभ’ बाट रियाशा चर्चामा आएकी थिइन् ।
यता, भिक्टर चाहीँ चर्चित फेसबुक पेज ‘रुटिन अफ नेपाल बन्द’ का संस्थापक हुन् । भिक्टरले यही पेजबाट ‘रुटिने’ उपनाम पाएका हुन् ।
तस्बिरः अल्फा पिक्चर्स नेपाल
