काठमाडौँ । राष्ट्रपति रामचन्द्र पौडेलले भारतको नयाँ दिल्लीस्थित अल इन्डिया इन्स्टिच्यूट अफ मेडिकल साइन्स (एम्स) मा उपचार गर्दा लागेको सम्पूर्ण खर्च आफैँले बेहार्ने हुनुभएको छ ।
राष्ट्रपतिको स्वकीय सचिवालयले मंगलबार प्रेस नोट जारी गर्दै उपचारका क्रममा भएको उपचार खर्च राष्ट्रपति स्वयमले बेहोर्न चाहेको जनाएको छ ।
स्वास्थ्यमा समस्या देखिएपछि राष्ट्रपति पौडेल वैशाख ५ गते महाराजगञ्जस्थित त्रिवि शिक्षण अस्पताल भर्ना हुनुभएको थियो । तर त्रिवि शिक्षण अस्पतालमा उपचारका क्रममा सुधार हुन नसकेपछि चिकित्सकहरुको सुझावअनुसार नयाँ दिल्लीस्थित एम्समा उपचार भएको थियो ।
राष्ट्रपति पौडेललाई यही वैशाख ६ गते श्री एअरलाइन्सको विमानबाट भारतको दिल्ली लगी उपचार सुरु गरिएको थियो । सरकारी खर्चबाट राष्ट्रपतिको उपचार गरिएको भन्दै व्यापक विरोध भएको थियो ।
