काठमाडौं । एसिसी प्रिमियर कपअन्तर्गत दोस्रो सेमिफाइनल खेलमा युएईले ओमानलाई जितको लागि २३७ रनको लक्ष्य दिएको छ ।
माथिल्लो मुलपानि क्रिकेट मैदानमा टस हारेर पहिला ब्याटिङको निम्तो पाएको युएई ४९.२ ओभरमा अलआउट हुदै २३६ रन बनायो । युएइका लागि कप्तान मोहम्मद वासिमले ६ चौका र एक छक्काको सहयोगमा सर्वाधिक ४८ रन बनाए । रमिज शेहजादले ४६ रन बनाउदा आसिफ खान ३६ रनमा आउट भए ।
यस्तै, आर्यन लाक्राले २५, वृत्य अरबिन्दले १८, बसिल हमीदले ३४ र रोहन मुस्ताफाले ४ रन बनाए ।
ओमानका बिलाल खानले ९.२ ओभरमा एक मेडनसहित ४४ रन खर्चेर ४ विकेट लिए । जिसन मक्सुदले १० ओभरमा ३२ रन खर्चेर ४ विकेट लिदा आयन खानले दुई विकेट लिए ।
