काठमाडौं । एसीसी प्रिमियर कपमा बर्षाको कारणले खेलमा ढिलाई भएपछि नेपाल र कुवेतबीचको सेमिफाइनल खेल ४५ ओभरमा छोट्याइएको छ ।
टियू मैदान आसपास क्षेत्रमा खेल बर्षा बाधक बनेपछि खेललाई केहिबेर रोकिएको थियो ।
नेपालका लागि कप्तान रोहित पौडेल र कुशल मल्ल क्रिजमा छन् ।रोहितले ४० बलमा २ चौकासहित ३० रन बनाएका छन् भने कुशलले ३० बलमा ४ चौका र १ छक्कासहित ३२ रन बनाएका छन् । चौथो विकेटका लागि कुशल मल्ल र रोहित पौडेलले ६१ रनको अविजित साझेदारी गरेका छन् ।
नेपालले २३.२ ओभरमा तीन विकेटको क्षतिमा १४१ रन बनाएको छ ।
