काठमाडौं । नेपाली काँग्रेसका सभापति तथा पूर्वप्रधानमन्त्री शेर बहादुर देउवाले सिन्धुपाल्चोक लगाएतका देशैभरी आईपरेको बाढी पहिरोबारे सरकारसंग उद्धार र राहतका लागि अपील गरेको छ । सभापति देउवाले
अपिल पत्र जारी गर्दै सरकार समक्ष युद्धस्तरमा उद्धार, हराएकाहरुको खोजी, मानिसहरूलाई सुरक्षित स्थल तर्फ स्थानान्तरण, घाइतेको उपचार र राहतको कार्यमा सक्रियता साथ लाग्न पनि सरकारलाई आग्रह गरेको छ ।
यतिबेला सिन्धुपाल्चोक जिल्लाको सदरमुकाम चौतारा र हेलम्बु, मनाङ, मुस्ताङ, कास्की, गोरखा जिल्ला लगायतका विभिन्न स्थानमा बाढी पहिरोले जनधनको निकै क्षति गरिरहेको छ । यसै सन्दर्भमा नेपाली काँग्रेसले स्थानीय पार्टी पंक्तिलाई समेत सक्रियतापूर्वक उद्धार र राहतको कार्यमा संलग्न हुन निर्देशन गरिसकेको छ ।
साथै बाढी पहिरोको जोखिम अबका केही दिनमा थप बढ्न सक्ने भएको भन्दै देशभर सबैलाई सजग भएर यसको सामना गर्न आग्रह पनि गरेको छ । त्यसैगरी तीन वटै तहका सरकारहरुलाई जरुरी समन्वय र व्यवस्थित योजना साथ आवश्यक सम्पूर्ण तयारी गर्न नेपाली कांग्रेस पार्टीका तर्फबाट अपील भएको छ ।
