काठमाडौं । एसिसी प्रिमियर कपमा सेमिफाइनलमा पुग्न निर्णायक खेलमा युएईका स्पिनर आयन खानले बहराइनविरुद्ध घातक बलिङ गरेका छन् । उनले ६० बलमा ५५ बल डट फ्याकेका छन् । आयनले १० ओभरमा ७ मेडनसहित ६ रन खर्चेर ४ विकेट लिए ।
आयनको घातक बलिङमा मुलपानी क्रिकेट मैदानमा टस जितेर पहिला ब्याटिङ थालेको बहराइनले ३० ओभरमा ९ विकेट गुमाउँदै ९० रन बनाएको छ । बहराइनका कप्तान हैदर बटले ४९ बलमा सर्वाधिक २३ रन बनाए ।
आयनको चौथो ओभरको अन्तिम बलमा शहबाज पाँच रनमा एलबीडब्लू आउट भए । रोहन मुस्तफाले ५.५ ओभरमा जुनैद अजिजलाई शून्य रनमा एलबीडब्लू आउट गराए । लगत्तै अर्को बलमा सोहिल अहमद बोल्ड आउट भएका थिए ।
छैटौ ओभरको पाँचौं बलमा आयन खानले मोहम्मद युनिसलाई १६ रनमा बोल्ड आउट गरेपछि बहराइन २३.४ को अवस्थामा पुगेको थियो ।तल्लोक्रममा अब्दुल मजिद ११ र इमरान अनवारले १४ रन बनाए ।
त्यस्तै, युएईका स्पिनर रोहन मुस्तफा र कार्तिक मयाप्पनले समान दुई विकेट लिएका छन् ।
समूह बी मा रहेको युएई ३ खेलमा २ जित र १ हारसहित ४ अंकका साथ दोस्रो स्थानमा छ । बहराइन ३ खेलमा १ मा जित र १ मा हारसहित ३ अंकका साथ चौथो स्थानमा छ । युएई यस खेलमा विजयी हुँदा सेमिफाइनलमा पुग्नेछ भने पराजित हुँदा बाहिरिनेछ ।
