• २ असार २०८१, आईतवार
  •      Sun Jun 16 2024
  •   Unicode
Logo
Latest
★   नेपालले टस जितेर फिल्डिङ रोज्यो ★   निर्वाचन आयोगको आयुक्तमा कृष्णमान प्रधान सिफारिस ★   टी-२० विश्वकप खेल्ने राष्ट्रिय खेलाडीलाई जनही १३ लाख पुरस्कार ★   पदयात्रा गरी बिदा मनाउने स्थलका रुपा परिचित हुँदै वाग्द्वार ★   सरकारले केही व्यापारिक घरानाले कर छल्न सक्नेगरी बजेट ल्यायो: डा. आरजु राणा ★   सलमान खानको अपार्टमेन्ट बाहिर फाईरिङ​ भएको घटनामा थप एक जना पक्राउ ★   प्रधानमन्त्रीसँग सिपिपिसिसीका उपाध्यक्षको शिष्टाचार भेट ★   मुलुक बाहिर बसेर आर्जन गरेको ज्ञान, सीप र पुँजी नेपाल भित्र्याउन गैर आवासीय नेपालीलाई महासंघ… ★   नर्वेद्वारा युक्रेनलाई १० करोड ३० लाख डलर सहयोग ★   मेलाबाट भएको आम्दानीबाट पर्यटन पूर्वाधार निर्माण

आवश्यक परे भ्रष्टाचारीको सर्वश्वहरण गर्नसक्ने व्यवस्था पनि विधेयकमा हुनुपर्छः पदम गिरी



काठमाडौँ । नेकपा एमालेका प्रमुख सचेतक पदम गिरीले भ्रष्टाचार गर्नेहरुलाई आजीवन जेल सजाय हुने प्रावधान राख्नुपर्ने माग गर्नुभएको छ ।

मंगलवार बसेको प्रतिनिधि सभाको बैठकमा राष्ट्रिय सभाबाट सन्देशसहित प्राप्त भ्रष्टाचार निवारण पहिलो संशोधन विधेयक, २०७७ माथिको छलफलमा भाग लिँदै यस्तो बताउनुभएको हो । उहाँले भ्रष्टाचार निवारण पहिलो संशोधन विधेयक, २०७७ मा भ्रष्टाचार गर्नेहरुलाई कारबाहीको दायरामा ल्याउने र शिर निहुरिएर हिँड्नुपर्ने ठाउँमा पु¥याउने किसिमबाट कानूनहरु निर्माण गर्न आवश्यक रहेको बताउनु भयो । उहाँले भ्रष्टाचारीहरुलाई आवश्यक परे सर्वश्वहरणसमेत गर्नेगरी विधेयक ल्याइनुपर्ने बताउनु भयो ।

उहाँले भन्नुभयो, ‘मुलुकमा कानून नभएकाले मात्रै भ्रष्टाचार मौलाएको होइन, कानूनलाई प्रभावकारी ढंगले कार्यान्वयन हुनुपर्छ । हाम्रा मेकानिजमहरु आफैँ भ्रष्टाचारमा लुप्त भए त्यही भित्र डुबेको कारणले यो समस्या आएको हो । देश एक प्रकारले भ्रष्टाचारले कंगाल भएको छ । अर्थतन्त्र जर्जर भएको छ । गरिबी बढेको छ । जनतामा निराशा बढेको छ । यसलाई हिट गर्ने इच्छाशक्ति भएको नेतृत्व देशले पाउन सकेन । दुर्भाग्य हो । त्यसका लागि आजका दिनमा हामीले संकल्प गर्नुपरेको छ ।’

‘भ्रष्टाचारीहरुलाई हामी कारबाहीको दायरामा ल्याउँछौँ र शिर निहुरिएर हिँड्नुपर्ने ठाउँमा पु¥याउँछौँ भन्ने संकल्प हामी सबैले गरौँ । यो गर्नसके केही उपलब्धी हुन्छ । २, ४ करोडदेखि २, ४ अर्बसम्म भ्रष्टाचार ग¥यो भने १४ वर्ष भन्दा बढी जेलमा बस्नु नपर्नेगरी यो प्रावधान राख्न खोजिएको छ, त्यो हुन सक्दैन, आजीवन जेल सजाय हुनुपर्छ त्यो भन्दा बढी पनि कारबाही गर्नुपर्छ, सर्वश्वहरण पनि गर्नुपर्छ । त्यस्ता प्रावधानहरु पनि राख्न सक्नुपर्छ ।’

प्रमुख सचेतक गिरीले देश एक प्रकारले भ्रष्टाचारले कंगाल भएको र जनतामा निराशा बढेको बताउनु भयो ।