काठमाडौँ । काठमाडौँ महानगरपालिकाका प्रमुख बालेन्द्र साह ९बालेन० ले फेरि कुनै सम्भावित भवितव्य र प्राकृतिक प्रकोपका विषयमा तयारी गर्नुपर्ने आवश्यकता औँल्याउनुभएको छ ।
विसं २०७२ वैशाख १२ गते अर्थात आजैका दिन नेपालमा गएको महाभूकम्पका सन्दर्भमा सामाजिक सञ्जाल फेसबुकमार्फत उहाँले फेरि कुनै सम्भावित भवितव्य, प्राकृतिक प्रकोपका विषयमा हामीले तयारी गरेका नै नगरेको बताउनुभएको छ ।
उहाँले भन्नुभएको छ, “हाम्रो बिर्सने बानी छ । ८ वर्ष पुरानो महाभूकम्प हामीले बिर्सिसकेका छौँ ।”
महानगरप्रमुख बालेनले भोलि हुनसक्ने अप्ठ्याराहरुमा आत्तिन र पछुताउन नपरोस् भन्नका लागि आजैदेखि सावधान बन्नुपर्ने भन्दै अव्यवस्थित कुराहरु सकेसम्म व्यवस्थित गर्नुपर्ने र सार्वजनिक ठाउँहरु खुल्ला राख्नुपर्ने उल्लेख गर्नुभयो ।
उहाँले भन्नुभयो, “काठमाडौँ महानगरको नीति यति मात्रै हो । भोलिका लागि काठमाडौँलाई तयार पारौँ । जे जुन कुराको लागि हो, त्यसलाई त्यसकै लागि उपयोग गरौँ । यसका लागि सबैको सहकार्य, समन्वयको आवश्यकता छ ।”
