काठमाडौं । नेपालमा पछिल्लो २४ घण्टामा थप २८२८ जनामा कोरोना भाइरसको संक्रमण पुष्टि भएको छ ।
स्वास्थ्य तथा जनसंख्या मन्त्रालयका अनुसार देशभरका विभिन्न प्रयोगशालामा गरिएको परीक्षणमा उक्त संख्यामा संक्रमित थपिएका हुन् ।
यस्तै पछिल्लो २४ घण्टामा संक्रमित ३०८२ निको भएका छन् । बुधबार कोरोनाबाट मृत्यु हुनेको संख्या ५२ रहेको छ ।
स्वास्थ्य तथा जनसंख्या मन्त्रालयका अनुसार पछिल्लो २४ घण्टामा ८ हजार ६८७ जनाको पिसिआर र ४ हजार ३३५ जनाको एन्टिजेन विधिबाट परीक्षण गरिएको थियो ।
नेपालमा हालसम्म पिसिआर परीक्षणबाट ६ लाख १४ हजार २१६ जनामा र एन्टिजेन परीक्षणबाट २३ हजार २१७ जनामा कोरोना संक्रमण पाइएको छ ।
त्यसमध्ये ५ लाख ४३ हजार ५२१ संक्रमित निको भएका छन् । यस्तै कोरोनाबाट हालसम्म ८ हजार ५५८ जनाको मृत्यु भएको छ ।
