काठमाडौं । एसिसी प्रिमियर कपमा सिंगापुरविरुद्धयुएईका युवा ब्याटर वृत्य अरविन्दले पनि शतक प्रहार गरेका छन् ।
टियु मैदानमा जारी खेलमा वृत्यले ९६ बलमा आफ्नो शतक पूरा गरेका हुन् । उनले १०४ बलमा १३ चौका र १ छक्कासहित १ सय ६ रनमा क्रिजमा छन् ।
उनले यसअघि भएको कुवेतविरुद्धको खेलमा १ सय ४७ बलमा १७ चौका र ९ छक्कासहित १ सय ८५ रन बनाएर आउट भएका थिए ।
यसअघि युएईका कप्तान मोहम्मद वासिमले पनि चौका र छक्को वर्षा गराउँदै ८२ बलमा ९ चौका र १६ छक्कासहित १ सय ६० रनमा आउट भएका थिए ।
टियु क्रिकेट मैदानमा टस जितेर पहिला ब्याटिङ रोजेको युएईले ४० ओभरमा ५ विकेट गुमाउँदै ३ सय ४० रन बनाएको छ ।
