पर्सा । उद्योग बाणिज्य तथा आपुर्ती मन्त्री रमेश रिजालले आफु जनताको सेवक रहेको तथा हरदम जनताको सेवामा समर्पित रहने प्रतिबद्दता जाहेर गर्नु भएको छ ।
मन्त्री बनेपछी पहिलो पटक आफ्नो गृह जिल्ला पर्सा पुग्नु भएको मन्त्री रिजालले हरबखत आफुलाई मार्गदर्शन गर्न एव सचेत गराउन समेत जिल्लाबसीलाई आग्रह गर्नु भएको छ ।
गृह जिल्ला भ्रमणका क्रममा मन्त्री रिजाललाई सिमरा बिमानस्थलमा भब्य स्वागत गरिएको थियो । जिल्लाका नेपाली काग्रेस नेता, कार्यकर्ता तथा स्थानीयमा निकै उत्साह देखिएको थियो । ४० बर्षको सक्रिय राजनीति पछि पहिलो पटक मन्त्री बन्नु भएका रिजालको स्वागतका लागि हजारौंको संख्यामा पर्साबासिको उपस्थिति रहेको थियो । तीन पटकको हार र चार पटकको जित पछि रिजाल अहिले मन्त्री बन्नु भएको हो ।
पर्सा नेपाली कांग्रेस पार्टी सभापति जनार्दन सिंह क्षेत्रीले मन्त्री रिजाललाई पार्टी कार्यालयमा समेत आमन्त्रण गरि सम्मान गर्नु भएको थियो । मन्त्री रिजालले आफ्नो जन्म थलो जगरनाथपुर स्थित धर्मपुर गाउँमा क्रिकेट टुर्नामेन्टको उद्घाटन समेत गर्नु भएको छ । उदघाटनको क्रममा यस क्षेत्रमा जनताले ८० किलोको माला लगाएर मन्त्री रिजालको सम्मान गरेका थिए ।
गृह जिल्ला भ्रमणका क्रममा बिभिन्न औपचारिक कार्यक्रममा सहभागी हुने मन्त्री रिजालको कार्यक्रम रहेको छ ।
