एजेन्सी । इंग्लिस प्रिमियर लिग फुटबल अन्तर्गत चेल्सीले पराजय ब्यहोरेको छ । शनिबार राति सम्पन्न खेलमा चेल्सी ब्राइटनसँग आफ्नै घरेलु मैदान स्टामफोर्ड ब्रिजमा २–१ गोलले स्तब्ध बनेको हो ।
खेलमा सुरुवाती अग्रता भने चेल्सीले बनाएको थियो । खेलको १३ औं मिनेटमा कोनोर गालाघेरले गोल गर्दै चेल्सीलाई सुरुवाती अग्रता दिलाएका थिए । तर, ४२ औं मिनेटमा डेनी वेलकेकले तथा ६९ औं मिनेटमा जुलीओ इन्सीसोले गोल गर्दै ब्राइटनलाई २–१ ले जित दिलाए ।
जितसँगै ब्राइटन २९ खेलबाट ४९ अंकका साथ सातौं स्थानमा रहँदा पराजित चेल्सी ३१ खेलबाट ३९ अंकका साथ ११ औं स्थानमा छ ।
