एजेन्सी । संसारमा धेरै प्रसिद्ध मरुभूमिहरू छन् । अफ्रिका महादेशको सहारा मरुभूमि, भारतको थार मरुभूमिबारे सधै चर्चा हुन्छ । तर संसारमा एउटा मरुभूमि यति सानो छ कि तपाईं यसलाई केही पाइलामा पार गर्न सक्नुहुन्छ । अत्यधिक गर्मी हुने तातो मरुभूमिको बारेमा तपाईले प्रायः सुन्नु भएको होला तर संसारमा एउटा यस्तो मरुभूमि छ जहाँ हिउँ पर्ने गर्दछ । यो थाहा पाएर तपाईलाई पत्यार नलाग्न सक्छ तर यो पूर्ण सत्य हो ।
संसारको यो सबैभन्दा सानो मरुभूमि क्यानडाको युकोनमा अवस्थित छ, जसको नाम कारक्रस डेजर्ट हो । प्रायः मरुभूमिमा टाढा–टाढासम्म बालुवा मात्रै देखिन्छ तर यो मरुभूमि यति सानो छ कि न त थकान लाग्छ, न पार गर्न सोच्नु पर्छ । यो मात्र एक वर्ग माइलको एक क्षेत्र मा स्थित छ । आज हामी संसारको सबैभन्दा सानो र अद्वितीय मरुभूमि बारे केहि रोचक कुराहरु बताउँछौं ।
संसारको सबैभन्दा सानो मरुभूमिको नाम कारक्रस भन्ने गाउँको नामबाट राखिएको हो । यो गाउँमा करिब ४५०० वर्ष पहिले मानिसहरुको बसोबास रहेको तथा धेरै गतिविधि हुने गरेको बताइन्छ । यहाँ अझै पनि मानिसहरुको बसोबास छ तर यो मरुभूमि कुनै रहस्य भन्दा कम छैन ।
यो मरुभूमि धेरै उचाईमा अवस्थित छ र यसको तापक्रम अन्य मरुभूमिको तुलनामा धेरै कम छ । यहाँ जाडो हुन्छ । सबैभन्दा अचम्मको कुरा के छ भने जाडो मौसममा भारी हिमपात हुन्छ । यहाँ ठूलो संख्यामा मानिसहरु घुम्न आउने गर्छन् । यो ठाउँ साहसिक खेल प्रेमीहरूको लागि उपयुक्त छ ।
यस्तो सानो मरुभूमि कसरी बन्यो ? यो प्रश्नको उत्तर आजसम्म कसैले पाउन सकेको छैन । कोही भन्छन् यहाँ ताल थियो, सुकेपछि मरुभूमि बन्यो । बालुवा हावाका कारण यो मरुभूमि बनेको पनि कतिपयको विश्वास छ । वैज्ञानिकहरूले पनि आजसम्म यसबारे समाधान गर्न सकेका छैनन् । यस मरुभूमिको बारेमा अझै अनुसन्धान भइरहेको छ ।
