काठमाडौं । नेकपा एकीकृत समाजवादीका रसुवा जिल्ला अध्यक्ष विष्णु देवकोटा नेकपा (एमाले) मा फर्कनुभएको छ ।
अध्यक्ष केपी शर्मा ओलीले मङ्गलबार आफ्नो निवास बालकोटमा नेता देवकोटालाई खादा लगाई पार्टीमा स्वागत गर्नुभयो ।
देवकोटासँगै नेकपा एसका प्रदेश कमिटी सदस्य भरत विश्वकर्मा र जिल्ला कमिटीका सचिवालय सदस्य ठाकुर पौडेल पनि एमालेमा प्रवेश गर्नुभएको छ ।
सो अवसरमा पार्टीका पोलिटव्यूरो सदस्य ईश्वरी रिजाल, केन्द्रीय सदस्य माधव अर्याल लगायतका नेताहरूको उपस्थिति रहेको थियो ।
