काठमाडौँ । फिल्म निर्माता तथा कलाकार दीपकराज गिरीले रास्वपाका सांसद डा. ढाकाकुमार श्रेष्ठको अडियो प्रकरणमा व्यङ्गात्मक शैलीमा स्ट्याटस लेखेका छन् ।
उनले लेखेका छन्, ‘जति सुकै राम्रो कपडा पसल खोल्छु भने पनि कपडाका थानमा दुइ चार कमसल ढाका त छिरि हाल्ने रहेछन!’
आईतबार सांसद श्रेष्ठले मेडिकल व्यवसायी दुर्गा प्रसाईंसँग दुई करोड रुपैयाँ मागेको अडियो सार्वजनिक भएको थियो । लगतै उनलाई रास्वपाले एक साताका लागि निलम्बन गरेको थियो ।
पार्टिका सभापति रवि लामिछानेले उक्त अडियो प्रकरणमा छानबिन गरेर दोषी पाइएमा कारबाही गर्ने बताईसकेका छन् । उनले आफ्नो सांसदले भ्रष्टाचारको डिल गरेको प्रमाणित भए अख्तियारमा आफैं पत्र लिएर जाने बताएका छन् ।
