काठमाडौँ । इन्डियन प्रिमियर लिग (आईपीएल) अन्तर्गत गुजरात टाइटन्सले कोलकाता नाइट राइडर्सलाई २०५ रनको विजयी लक्ष्य दिएको छ ।
अहमदाबादस्थित नरेन्द्र मोदी क्रिकेट रंगशालामा टस जितेर पहिले ब्याटिङ थालेको गुजरातले २० ओभरमा ४ विकेटको क्षतिमा २०४ रन जोडेको हो । गुजरातका लागि विजय शंकरले सर्वाधिक रन जोडे । उनी २४ बलमा ६३ रनसहित अविजित रहे । उनले चार चौका र ५ छक्का प्रहार गरे ।
यस्तै, साई सुदर्शनले ३८ बलमा ५३ रनको अर्धशतीय इनिङ्स खेले । शुभमनज गिलले ३१ बलमा ३९ रन जोड्दा ऋद्धिमान साहाले १७ बलमा १७ रन बनाए । यस्तै, अभिनव मनोहरले ८ बलमा १४ रन जोड्दा डेभिड मिलर ३ बलमा २ रनसहित अविजित रहे । कोलकाताका सुनील नारायणले तीन विकेट तथा सुयश शर्माले एक विकेट लिए ।
