काठमाडौं । नेपाली राष्ट्रिय क्रिकेट टिमका स्पिनर सन्दीप लामिछानेविरुद्धको मुद्दामा आज अदालतले थप दुई व्यक्तिका बकपत्र लिन आदेश गरेको छ ।
अदालतले सन्दीपका साथी क्रिकेटर साहब आलम र जाहेरीकर्ताको मेडिकल जाँच गर्ने डाक्टरको बकपत्र लिन आदेश जारी गरेको हो ।
आजको सुनवाइ सुरू हुनासाथ वादीतर्फका वकिलहरूले मेडिकल टिमका मुख्य डाक्टरको बकपत्रको माग गरेका थिए । यसअघि मुख्य डाक्टरको ठाउँमा सहयोगी डाक्टरको बकपत्र राखिएकोमा न्यायाधीश शंकरराज बरालले सरकारी वकिलहरूको मागअनुसार मुख्य डाक्टरकै बकपत्र राख्न आदेश गरेका छन् ।
यसैगरी, साहब आलमको बकपत्र नलिएको भन्दै उनलाई पनि अदालतमा उपस्थित गराउन आदेश गरेका छन् ।
