काठमाडौं । नेपाली राष्ट्रिय क्रिकेट टिमका स्पिनर सन्दीप लामिछानेविरुद्धको मुद्दाको अन्तिम सुनुवाइ आज हुँदैछ ।
सन्दीपविरुद्धको मुद्दाको पेसी जिल्ला अदालतका न्यायाधीश शंकरराज बरालको इजलासमा तोकिएको छ ।
यसअघि दुईपटक तोकिएको पेशी लगातार स्थगित भएका थिए । गत बुधबार सन्दीपको मुद्दाको फैसला पेशी न्यायाधीश केशव घिमिरेको इजलासमा तोकिएको थियो । तर,छैटौं नम्बरमा पालो रहेकोमा समय अभावले सुनुवाइ स्थगित गरिएको थियो ।
सन्दीपको आजको पेशीमा भने सुनवाइ हुने लगभग निश्चित छ । सन्दीपको पेशीको पालो तेस्रो नम्बरमा परेको छ ।
