काठमाडौं । नेकपा माओवादी केन्द्रले कोशी नामकरणको विषयमा पहिचानको पक्षमा उभिने निर्णय गरेको छ ।
पार्टी कार्यालय पेरिसडाँडामा बसेको पदाधिकारी बैठकपछि सञ्चारकरमीहरुसँग बोल्दै प्रवक्ता कृष्णबहादुर महराले उक्त निर्णय सुनाएका हुन् ।
‘कोशी प्रदेश नामाकरण भएपछि अहिले आन्दोलन उठिरहेको छ । हाम्रो पार्टीप्रति के हो अडान ? भनेर प्रश्न उठिरहेको छ । त्यसमा हाम्रो पार्टी पहिचानको पक्षमा छ ।’, महराले भने, ‘त्यतिबेला पनि पहिचानकै पक्षमा अडान राख्नुपर्थ्यो कमजोरी भएको छ ।’
नामाकरणपछि पहिचानको आन्दोलनको क्रममा मृत्यू भएकाहरूलाई सहिद घोषणा गर्न र राहतको लागि सरकारसँग माग गरेको महराले बताए । यस्तै, मिटरव्याजपीडितको आन्दोलनमा पार्टीको समर्थन कायमै रहेको उनले बताए ।
