कलैया । प्रतिनिधिसभा सदस्यका लागि बारा–२ मा हुने उपनिर्वाचनमा राष्ट्रिय स्वतन्त्र पार्टीबाट रमेश खरेलले उम्मेदवारी दर्ता गराउनुभएको छ ।
गत मंसिर ४ गते सम्पन्न उक्त क्षेत्रबाट जनता समाजवादी पार्टी (जसपा) का रामसहाय प्रसाद यादव निर्वाचित हुनुभएको थियो । तर उहाँ उपराष्ट्रपतिमा निर्वाचित हुनुभएपछि उक्त निर्वाचन क्षेत्रमा आगामी वैशाख १० गते उपनिर्वाचन हुँदैछ ।
उक्त क्षेत्रबाट जसपाले अध्यक्ष उपेन्द्र यादवलाई उठाउँदै छ । उहाँलाई नेपाली कांग्रेस, नेकपा ९माओवादी केन्द्र०, नेकपा ९एकीकृत समाजवादी० र लोकतान्त्रिक समाजवादी पार्टी ९लोसपा० को साथ छ ।
सो निर्वाचन क्षेत्रबाट नेकपा (एमाले) ले पुरुषोत्त पौडेललाई उठाउने निर्णय गरेको छ । त्यसैगरी नेकपा ९माओवादी केन्द्र० परित्याग गरी जनमत पार्टी प्रवेश गरेका शिवचन्द्र प्रसाद कुशवाहा जनमत पार्टीबाट उठ्दैछन् ।
अहिलेसम्म स्वतन्त्र उम्मेदवारहरु विनोदकुमार कर्ण, ध्रवलाल हजरा, हाम्रो नेपाली पार्टीका चन्द्रप्रकाश सुवेदी र नेपाल मजदुर किसान पार्टीका जिल्ला अध्यक्ष मुक्ति यादवले मनोनयन पत्र दर्ता गराइसकेका छन् ।
