काठमाडौं । क्रिकेटर सन्दीप लामिछानेविरुद्धको फैसलाको पेशी न्यायाधीश माधवप्रसाद घिमिरेको इजलासमा तोकिएको छ ।
सन्दीपको पेशी यसअघि पनि घिमिरेको इजलासमा परेको थियो । उनकै इजलासमा सन्दीपलाई मुद्दा पुर्पक्षका लागि थुनामा पठाउने आदेश जारी भएको थियो ।
घिमिरेको इजलासमा काठमाडौं जिल्ला अदालतले मुद्दा पुर्पक्षका लागि थुनामा पठाएकामा सन्दीपलाई पाटन उच्च अदालतले सशर्त २० लाख रुपैयाँ धरौटीमा छोडेको थियो ।
यसैबीच, काठमाडौँ जिल्ला अदालतले क्रिकेटर सन्दीप लामिछानेमाथि बलात्कारको आरोप लगाएकी युवतीलाई अन्तरिम राहत दिन अस्वीकार गरेको थियो ।
न्यायाधीश प्रेमप्रसाद न्यौपानेको एकल इजलासले शुक्रबार उक्त आदेश गरेको हो । यस्तै, अन्तिम फैसलाका लागि सबै अंग पुगिसकेकाले फैसलाकै समयमा उक्त विषयको टुंगो लगाइने आदेशमा उल्लेख छ ।
