काठमाडौँ । अन्तर्राष्ट्रिय क्रिकेट परिषद् (आइसिसी)द्वारा बुधबार सार्वजनिक खेलाडीहरुको नयाँ ओडिआई बलिङ वरियतामा नेपालका सन्दीप लामिछाने २२ औं स्थानमा यथावत छन् ।
वरियतामा श्रीलंकाका लेगस्पिनर वानिन्दु हसरंगा सन्दीपभन्दा एक स्थान पछि अर्थात् २३ औं स्थानमा छन् । भारतका स्पिनर कुलदीप यादव २४ औं स्थानमा छन् । भारतकै जस्प्रित बुमराह २६ औं, मोहम्मद शामी २८ औं स्थानमा तथा युजभेन्द्र चहल ४२ औं स्थानमा रहेका छन् ।
यस्तै, पाकिस्तानका मोहम्मद नवाज ३० औं, इंग्ल्यान्डका आदिल राशिद ३१ औं, मार्क वुड ३५ औं, न्युजिल्यान्डका टिम साउथी ३६ औं स्थानमा छन् । नेपालका दीपेन्द्रसिंह ऐरी ५६ औं स्थानमा यथावत छन् ।
यसैबीच आजै भएको ओडिआई वरियतामा नेपालले एक स्थान सुधार गर्दै १५ औं स्थानमा उक्लिएको छ ।
