काठमाडौं । नेपाली सुनचाँदी बजारमा आजको सुनको मूल्यले रेर्कड ब्रेक गरेको छ । साताको पहिलो दिन आइतबार सुनको मूल्य शुक्रबारको तुलनामा प्रतितोला २ हजार ९ सय रुपैयाँले बढेर हालसम्मकै उच्च मूल्य कायम भएको हो ।
आज छापावाल सुन २ हजार ९ सय रुपैयाँले बढेर प्रतितोला १ लाख १० हजार रुपैयाँ कायम भएको नेपाल सुनचाँदी व्यवसायी महासंघले जानकारी दिएको छ । शुक्रबार उक्त सुन प्रतितोला १ लाख ७ हजार १ सय रुपैयाँमा कारोबार भएको थियो ।
आज तेजाबी सुन प्रतितोला १ लाख ९ हजार ६ सय रुपैयाँमा कारोबार भइरहेको महासंघले जनाएको छ ।
उस्तै, चाँदी पनि आज ३५ रुपैयाँले बढेर प्रतितोला १ हजार ३ सय ४५ रुपैयाँमा कारोबार भइरहेको छ ।
