एजेन्सी । बलिउडकीमा मात्र नभई हलिउडमा पनि आफ्नो अभिनयले छाप छोड्न सफल अभिनेत्री प्रियंका चोपडा अहिले हलिउडका कैयौं ठूला प्रोजेक्टमा व्यस्त छिन् । जसकारण उनले न्यूयोर्कमा सञ्चालनमा ल्याएको सोना रेष्टुरेन्टमा जाने मौका पाइरहेकी थिइनन् ।
हालैमात्र उनले आफ्नो व्यस्त समय तालिकाबाट केही समय फुर्सद निकालेर रेष्टुरेन्ट पुगिन् । जहाँ उनले आफ्ना नजिकका साथीहरुसँग निकै मस्ती गर्दै आमा मधु चोपडाको जन्मदिन पनि मनाइन् ।
प्रियंकाले सामाजिक सञ्जालमा रेष्टुरेन्टमा साथीहरुसँग पानीपुरी खाइरहेको तस्वीर पनि राखेकी छन् ।
प्रियंकाको उक्त रेष्टुरेन्टमा भारतीय खानेकुरालाई प्राथमिकतामा राखिएको छ जसमा पानीपुरी आइटम पनि रहेको छ ।
